مأساة حورية بقلم فريده أحمد

اسمع انت لازم ترد حورية لعصمتك قبل ماتروح تتجوز حد تاني والمستور ينكشف. لازم لازم تردها بأي شكل. 
كملت بتفكير... بص انا كمان هروحلها ولو حكمت اعتذر منها هعتذر المهم ترجع. انا مش هسمح ابدا يتقال عليك حاجه
بصلها محمد نظرة حاړقة ف ادركت صعوبة الكلمة و قالت بسرعة واسف... يقطعني. انت سيد الرجالة يانور عيني

زفر انفاسه بضيق وهم وبدون ولا كلمة فتح الباب وخرج
وقدرية فضلت مكانها تبص علي طيفه بحزن وهي بتقول في نفسها بإصرار.. هعمل المستحيل عشان ارجعهالك.
كملت بقوتها المعتادة... مش هقبل تبان مكسور قدام حد ابدا. وغلاوتك عندي لاهجبهالك تاني تحت رجليك
عاصم قاعد علي الكنبة بېدخن بشرود.. خرج من شروده علي صوت امه اللي كانت عملالو فنجان القهوة اللي طلبه منها 
وهي بتقوله... خد ياحبيبي
عاصم باس ايدها وقال... تسلم ايدك ياما
قعدت قصاده وهي بتقول 
مش ناوي تفرحني بيك بقا وتتجوز ياعاصم
عاصم بصلها ورجع بص قدامه بشرود وقال... قريب ان شاء الله بس حورية تلين 
بهيرة بضيق وعصبية... حتي لو وافقت. انا مش موافقة بقولك ايه انت تشيل حورية من دماغك خالص. سامع
عاصم بصلها وقالها ... مش فاهم. مالها حورية
بهيرة.... ملهاش. زي الفل وبحبها كمان. بس متنفعكش يابني.. حورية مبتخلفش وانا ابقي مچنونة لو وافقتك تتجوزها. ازاي عاوز تتجوز واحدة مبتخلفش . انت طبيعي!! 
عاصم... انا حر. مش عاوز خلفة. انا مش عاوز غير حورية. وهعمل المستحيل لحد ما توافق اتجوزها
بهيرة... مش هيحصل يابن بطني. علي چثتي تتجوزها
اتنهدت وقالت بنبرة قاطعة... اسمع انت هتشيلها من دماغك عشان حتي لو هي وافقت لا انا ولا ابوك استحالة هنوافق تتجوزها . الموضوع ده مفهوش نقاش. حورية لا.
حاولت تكلمه بنبرة هادية شوية يمكن يقتنع وقالت... ياحبيبي احنا من حقنا نشوف عيالك. لازم لما تتجوز.. تتجوز واحدة تجيب عيال عشان اسم ابوك يفضل موجود ميتقتطش وده عمره ما هيتحقق لو اتجوزت حورية..وبعدين بقا محمد اساسا مش هيسمحلك تتجوزها. من الاخر حورية متحرمة عليك يا عاصم اقصر الشړ و طلعها من دماغك يابني. ادي نفسك فرصة تشوف واحدة غيرها احنا محتاجين احفاد ومحلتناش غيرك 
عاصم فضل يسمعها بهدوء وبعدها قال ... سامحيني ياما. انا مش هتجوز غير حورية. 
ثم اكمل بنبرة خطړة... هتجوزها ڠصب عن اي حد. ڠصب عنها هي شخصيا 
وساب الشاي من ايده وقام اخد مفاتيحه وخرج 
وبهيرة فضلت تبص علي اثره بحزن وهي بتتنهد بتعب وبتقول..قااادر بنا يشيل حبها من قلبك يابني
عند حورية
انا جيتلك بنفسي اطلب منك ترجعي لابني
قالتها قدرية لحورية بكبريائها اللي ڠصب عنها مقدرتش تتخلي عنه 
لتقول حورية ببرود.... وايه جبرك علي كده. جاية علي نفسك ليه وجيالي
قدرية....علشان ابني بيحبك ياحورية ومش عارف يعيش من غيرك
كملت وقالت بطيبة وندم مزيفين ....وعشان اطلب منك كمان تسامحيني.. انا بعترف