نصيبي و قسمتى

عيني ف دكتور ماهر عدى تلت شهور لحد ما ف مرة دخلت الصيدلية لاقيت عمو مراد واقع ومافيش حد فضلت اصړخ وانده بس محدش سمعني للأسف دي شكلها أعراض غيبوبة السكر جيبت حقنة أنسولين واديتهاله وفجأة دخل ماهر واتكلم بفزع
ايه اللي حصل 
قعد على الارض قصادي وبيننا عمو مراد وحط ايده على وشه بقلق وحاول يفوقه واتكلم بقلق

بابا قوم يا بابا حصلك ايه بس ايه اللي حصل 
جيت لاقيته واقع ودي اعراض غيبوبة السكر واديته انسولين 
عمو مراد بدل يفوق واتكلم بوهن
ا ا انا كنت رايح اجيب
الحقنة بس بس ملحقتش و 
اهدى يا بابا خلاص حمد الله على سلامتك انا متشكر جدا يا دكتور اسف تعبتك معانا
لا شكر على واجب ده في مقام والدي وانا هفضل معاه لحد ما يبقى كويس
بعد ساعتين كان ماهر مشي معرفش راح فين بس ازاي يسيب ابوه وهو عيان كده قعدت مع عمو مراد وجيبنا كشړي وقعدنا ناكل لاقيته دمع بهدوء ومسح دمعته واتكلم
فكرتيني ببنتي الله يرحمها نفس الحنية والأصل صدق اللي قال ان البنات نعمة ربنا يباركلك يا بنتي
عمو مراد بعد الحاح طويل وافق انه يسيبني اقف ف الصيدلة وهو يروح ينام عشان تعبان لحد ما الساعة جات ٩ ونص لاقيت ماهر دخل الصيدلية واتكلم وهو باصص ف الأرض كالعادة
انا متأسف على اللي حصل بس حضرتك لازم تمشي 
ليه الصيدلية مش بتقفل دلوقتي 
الوقت متأخر لازم تروحي انا هقف فيها اتفضلي
بعد اسبوعين لاقيت عمي بيكلمني وبيقولي انه عاوزني دخلت لاقيت عمو مراد وابنه الغامض ده قاعدين مع عمي فاتكلمت
ايه المفاجأة الحلوة دي يا عمي
تعالي اقعدي يا هبة يا حبيبتي دكتور ماهر مراد متقدملك ايه رأيك
طب نسيبهم لوحدهم شوية عشان تعرف تحكم
سابونا لوحدنا ولأول مرة ارفع عيني ف عينه واشوف ملامحه ويشوفني ملامحه فيها كتير جدا من والده نفس الطيبة عيونه سودا حادين بس تحس انه طفل حقيقي ملامحه مريحة اوي
انا ماهر مراد دكتور صيدلة ومعيد مايكروبايولوجي في جامعة القاهرة واظن حضرتك تعرفي والدي 
حضرتك معيد عندي ف الجامعة
ايوه بس انا مكنتش بدي دفعة حضرتك 
انا هبة الله يونس في تالتة صيدلة اهلي متوفيين زي ما حضرتك شايف وبشتغل في الخياطة بجانب شغلي عشان اصرف على نفسي وماليش غير عمي
خلصت الرؤية على اسئلة عادية من دي ودخلت صليت استخارة
هاه يا حبيبة عمك ايه الاخبار
ابتسمت واتكلمت بكسوف
موافقة يا عمي 
على بركة الله موافقة على كتب الكتاب على طول ولا خطوبة عشان ابو العريس طالب كتب كتاب 
ابتسمت واتكلمت 
توكل على الله يا عمي 
حضڼي وهو فرحان وبيدمع
مبروك يا حبيبة عمك ألف مبروك
عديت على الصيدلية اجيب دوا القولون مكانش فيه غير عمو مراد اول ما شافني ضحك واتكلم
أهلا اهلا بعروستنا 
بقى كده يا
عمو بتفاجئني
والله مش هلاقي لابني احسن منك وبعدين عشان تبقي بنتي بجد 
ضحكت واتلكمت بهزار
تقوم تلبسني ف حيطة كده طب مهدلي طيب 
يا بكاشة يعني هو معجبكيش وطبعا عشان كده وافقتي على كتب الكتاب على طول 
ضحكت واخدت الدوا ومشيت وفعلا حسيت ان هيبقى ليا عيلة بجد
النهاردة كتب الكتاب واقفة قصاد مرايتي وانا لابسة فستان رقيق وخمار وبكلم نفسي
يعني النهاردة هيبقى ليا زوج هياخدني ف حضنه وميخرجنيش منه تاني النهاردة هتنتهي وحدتي وحد هيقولي مالك وافرق معاه النهاردة هييجي اللي هاخده ف حضڼي وأمسح على شعره ويشاركني حياته النهاردة هييجي اللي لما اعمل حاجة يمسك ايدي يبوسها واللي لما اعصي ربنا يزعل مني ويعلمني
بارك الله لكما وبارك عليكما وجمع بينكما في خير
ابتسملي ومسك ايدي ولبسني الدبلة وباسها
مبارك يا هبتي 
مسكت ايده ولبسته الدبلة
الله يبارك فيك يا ماهر
بصلي بإعجاب 
يا نقاوتك يابا 
عمو مراد ضحك وبصلي
دي زينة البنات دي اخدني ف حضنه مبروك يا احلى هبة وهبهالنا ربنا خلي بالك منها يلا اوعى تزعلها لاكسر دماغك 
هو مين فينا اللي ابنك
ششش بلاش كلام فارغ خد عروستك وادخلوا اتكلموا 
مسك ايدي ودخل بيا جوا
وقفل الباب وقرب عليا بابتسامة وباس راسي
اخيرا بقيتي بتاعتي
ا اخيرا
بدون مقدمات قرب عليا بابتسامة وضمني وأتكلم وهو حاضني
من اول يوم جيتي فيه الصيدلية وانا قلبي دق بسرعة بس كنت عارف انه حرام وكنت بحاول ابعد على قد ما اقدر عشان عارف اني لو اجتمعت بيكي ف مكان مش هقدر امنع نفسي ابصلك بس الفرحة مكانتش سايعاني لما لاقيت ابويا بيحبك وبيكلمني عنك وانه نفسه يجوزك ليا عشان تبقي بنته بجد حتى ملامحك بتفكره بهنا اختي الله يرحمها كانت نفس جمالك يا هبتي 
شددت على حضنه ودمعت بشهقات 
و وانا كمان بحبك بحبك اوي 
خرجني من حضنه ومسح دموعي واتكلم
من النهاردة انت معايا يعني العيون الحلوة دي متدمعش تاني
وكيف للعين أن تدمع وعناقك معتقلي
بقلم هبة الله محمد
استغفروا